Falë bashkëpunimit të shkëlqyer ndërmjet Fakultetit të Edukimit Fizik dhe Sportit (FEFS) dhe Federatës së Volejbollit të Kosovës, si dhe kontributit të veçantë të kryetarit z. Bahri Gjinovci, salla e FEFS ka marrë një pamje moderne, funksionale dhe tërësisht të përshtatshme për zhvillimin e aktiviteteve të ndryshme.

Kjo sallë, përveç që ofron kushte të shkëlqyera për procesin mësimor dhe aktivitete sportive, tashmë është e gatshme edhe për organizimin e konferencave shkencore, trajnimeve, seminareve dhe ngjarjeve të tjera akademike e sportive, duke e bërë atë një hapësirë multifunksionale në shërbim të studentëve, stafit dhe komunitetit të sportit.