Sot, në Fakultetin e Edukimit Fizik dhe Sportit, realizuam një moment historik dhe të rëndësishëm - vendosjen e portreteve të të gjithë ish-dekanëve që kanë udhëhequr institucionin tonë përgjatë katër dekadave e gjysmë të ekzistencës së tij.

Ky gjest simbolik është më shumë se thjesht një dekorim i mureve tona. Është një nderim për vizionin, përkushtimin dhe kontributin e palodhur të udhëheqësve që kanë ndërtuar themelet e këtij fakulteti dhe kanë formësuar breza të tërë profesionistësh të sportit dhe edukimit fizik.

Galeria e Nderit - Dekanët e Fakultetit të Edukimit Fizik dhe Sportit:

Prof. Dr. Bardhyl Zajmi — 1979/80 – 1980/81

Prof. Dr. Arsim Fehmiu — 1981/82 – 1982/83

Prof. Dr. Faik Çitaku — 1985/86 – 1986/87 | 1991/92 – 1994/95

Prof. Dr. Behlul Brestovci — 1987/88 – 1988/89

Prof. Dr. Masar Nixha — 1998/99 – 1999/2000

Prof. Dr. Mehdi Jashari — 2000/01 – 2003/04

Prof. Dr. Mustafë Aliu — 1990/91 – 1993/94 | 1996/97 – 1997/98 | 2004/05 – 2005/06

Prof. Dr. Ajvaz Berisha — 2006/07 – 2011/12

Prof. Dr. Sadik Krasniqi — 2012/13 – 2015/16

Prof. Dr. Musa Selimi — 2016/17 – 2023/24

Çdo portret tregon një kapitull të historisë sonë - një histori dedikimi ndaj edukimit cilësor, zhvillimit të shkencës së sportit dhe formimit të ekspertëve që sot kontribuojnë në të gjitha fushat e jetës sportive dhe akademike në vendin tonë.

Nga vitet themelore të viteve '80, përmes sfidave të viteve '90, deri te konsolidimi dhe modernizimi i dekadave të fundit - këta udhëheqës kanë qenë shtylla kurrizore e zhvillimit tonë institucional.

Falënderojmë të gjithë ata që kanë shërbyer me integritet, vizion dhe pasion të palodhur për misionin tonë akademik. Trashëgimia juaj na frymëzon çdo ditë!

Fakulteti i Edukimit Fizik dhe Sportit - Universiteti i Prishtinës