Fakulteti i Edukimit Fizik dhe Sportit ka kënaqësinë të njoftojë funksionalizimin e zyrës së re të takimeve, një hapësirë moderne e dedikuar për zhvillimin e takimeve fizike dhe online, duke krijuar kushte bashkëkohore për komunikim institucional dhe akademik.

Kjo zyrë është e pajisur për të mundësuar takime virtuale me partnerë vendorë dhe ndërkombëtarë, duke lehtësuar bashkëpunimin në projekte shkencore, aktivitete akademike dhe iniciativa të përbashkëta në fushën e sportit dhe edukimit fizik.

Shprehim falënderim të veçantë për partnerët tanë, të cilët me mbështetjen dhe bashkëpunimin e tyre e bënë të mundur realizimin e këtij projekti, duke kontribuar drejtpërdrejt në përmirësimin e infrastrukturës dhe kapaciteteve institucionale të FEFS.

Ky investim përfaqëson një hap të rëndësishëm drejt modernizimit të ambientit të punës dhe forcimit të lidhjeve tona akademike dhe profesionale.

Hapësirë që lidh njerëzit, idetë dhe bashkëpunimet  pa kufij.

#FEFS #TakimeOnline #Bashkëpunim #Partnerë #ZhvillimInstitucional #InfrastrukturëAkademike