Në mesjavë të datave 26-28 Shkurt 2024, Korça u bë qendra e një spektakli sportiv tërheqës, ku Universiteti i Prishtinës triumfoi në disiplinat e basketbollit dhe volejbollit në turneun mbarkombëtar të mbajtur ne Korçë.

Në konkurrencën e basketbollit për meshkuj, skuadra e Universitetit të Prishtinës shfaqi një performancë të paimagjinueshme, duke triumfuar në çdo ndeshje dhe duke shkëlqyer në çdo aspekt të lojës. Mergim Jakupi, një nga lojtarët më të ndritur të ekipit, u shpall si lojtari më i mirë i turneut, duke treguar aftësi të jashtëzakonshme dhe duke e ndihmuar ekipin e tij të arrinte suksesin.

Në anën tjetër, në garën e volejbollit për femra, ekipi i Universitetit të Prishtinës pati një performancë të shkëlqyer, duke treguar një nivel të lartë të bashkëpunimit dhe aftësi teknike. Melirona Abdullahu, një nga lojtaret më të ndritura të ekipit, u shpall si lojtarja më i mirë e turneut, duke dominuar në fushën e lojës me vullnet dhe talent të jashtëzakonshëm.

Përveç kësaj, Prof.Musa Selimi dhe Prof.Florian Miftari u shpallën trajnerët më të mirë të turneut që udhëhoqën dhe frymëzuan ekipet e tyre drejt fitores.

Ky triumf i Universitetit të Prishtinës në Korçë tregon përkushtimin dhe talentin e shkëlqyeshëm të sportistëve dhe trajnerëve të tyre, duke i ngritur ata në piedestalin e suksesit dhe krenarisë në arenën e sportit kombëtar dhe ndërkombëtar.

FEFS.